Chapter 3: When Result Dey Vanish Like NEPA Light

I quick try calm her:

"Ifunanya, any wahala wey dey, we fit solve am. Your result fit still better. Abeg, come down."

I try smile small, stretch my hand, make she see say hope still dey. Sometimes, na assurance be medicine.

She shake head small, tears still dey drop as she look me.

"E no fit solve. E no fit solve."

Her voice crack, like person wey dey drown. I wan move closer, but I fear make she no panic.

"My life don finish. No hope again."

"Make I just die."

The way she talk am, you go feel the pain for her voice. I dey ask myself—wetin really happen? E nor fit just be exam.